Grænfáni / umhverfi

Grunnskóli Hornafjarðar - Grænfánaskóli í þriðja sinn.
Grunnskóli Hornafjarðar fékk viðurkenningu Landverndar sem grænfánaskóli 8. maí 2014, 24. maí 2017 og 5. mars 2020.

Umhverfissáttmáli skólans

Umhverfissáttmálinn er viljayfirlýsing nemenda og starfsmanna skólans um að vernda náttúruna. Fyrsti umhverfissáttmálinn sem var gerður á pappír og ákvað umhverfisnefnd skólans að setja fingrafar sitt í hinum ýmsu litum á sáttmálan. Í dag er umhverfissáttmálinn komin í meira varanlegt form, en umhverfisnefndin setti sáttmálann upp í fablab og bjó til límmiða sem hanga nú uppi við inngang skólans í báðum byggingum. 

Umhverfissáttmáli Grunnskóla Hornafjarðar

  • Ganga vel um umhverfi okkar og hjálpast við að tína rusl
  • Temja okkur hugmyndir um sjálfbærni í umgengni við umhverfið
  • Standa saman um að ganga/hjóla meira og menga minna
  • Hafa vináttu og velvilja að leiðarljósi í öllum samskiptum
  • Hjálpast að við að flokka rusl og endurvinna allt sem hægt er

Umhverfisnefnd

Í skólanum er starfrækt umhverfisnefnd sem skipuð er nemendum og starfsmönnum. Hér má sjá hverjir sitja í umhverfisnefndinni.

 Fundargerðir:

Ýmislegt:

Fræðsluefni og Nemendaverkefni:

Ferðir á heimaslóðum:

Sérstaða skólans markast af staðsetningu hans og því fjölbreytta og um leið fágæta umhverfi sem hann er í. Höfuðatvinnugreinar sveitarfélagsins sem skólinn þjónar byggja á tengslum við náttúruna, annars vegar í gegnum landbúnað og sjávarútveg en hins vegar í gegnum ferðamannaiðnað. Náttúran er líka drifkraftur í öflugu menningar- og listalífi sem veitir listamönnum innblástur til einstakrar vinnu.

Á þessum þáttum byggir sérstaða skólans. Þar er lögð mikil áhersla á tengslin við náttúruna í allri sýslunni og leyfa nemendum að njóta hennar og fræðast um hana um leið og sterk tengsl við samfélagið er sá drifkraftur sem skólinn byggir á. Nemendur skólans fara í skipulagðar ferðir vítt og breitt um sýsluna svo þeir fái að kynnast sem flestum svæðum innan hennar. Ferðirnar eru nýttar markvisst í námi nemenda og tekur sú vinna mið af aldri og þroska þeirra.

Hér fyrir neðan eru upplýsingar um ferðir nemenda flokkaðar eftir stigum.