Öskudagur 2026
Á öskudaginn er hefðin sú hjá yngsta og miðstigi að hittast í íþróttahúsinu, horfa á hæfileikakeppni, slá köttinn úr tunnunni, dansa og veita verðlaun fyrir hæfileikakeppnina og besta og frumlegasta búininginn. Friðrik Jarl í 5. bekk fékk verðlaun fyrir flottasta atriðið í hæfileikakeppninni og stelpur í 4. bekk fyrir frumlegasta atriðið. Helena Draumey í 5. bekk fékk verðlaun fyrir frumlegasta búninginn, Sigurbjörn Ívar í 6. bekk fyrir flottasta búningin, Auður, Nanna og Freyja fyrir skemmtilegasta hópbúninginn og Guðjón fyrir flottasta kennarabúninginn.