Lokahátíð Stóru upplestrarkeppninnar
Lokahátíð Stóru upplestrarkeppninnar í 7. bekk fór fram í Djúpavogskirkju 10. mars og kepptu þar 9 nemendur frá Grunnskóla Hornafjarðar og 6 nemendur frá Djúpavogsskóla. Keppnin var hörkuspennandi að vanda og áttu dómarar erfitt með að velja sigurvegara. Fyrstu þrjú sætin fóru til;
1. sæti, Fabian Szczepanek Djúpavogsskóla.
2. sæti, Solyana Natalie Felekesdóttir Grunnskóla Hornafjarðar.
3. sæti, Heiðdís Lóa Egilsdóttir Djúpavogsskóla.
Kynnir keppninnar var Elín Ósk Óskarsdóttir sem var sigurvegari keppninnar í fyrra. Hún spilaði auk þess lag á píanó fyrir gesti keppninnar og Vaka Sif Tjörvadóttir spilaði lag á þverflautu. Þær eru báðar nemendur í 8. bekk Grunnskóla Hornafjarðar.
Það er mikil lifsreynsla fyrir börnin að taka þátt í Lokahátíðinni og lesa upp og túlka texta fyrir framan hóp af fólki og segja má að allir þátttakendur séu sigurvegarar á sinn hátt.
Djúpavogsbúar tóku á móti Hornfirðingum með kostum og kjörum. Hópnum var boðið í hádegismat á Hótel Framtíð og síðan dýrindis kaffihlaðborð á kirkjuloftinu að upplestri loknum.