Allt í klessu í 5. bekk
Krakkarnir í 5. E buðu á vikuhátíð í Sindrabæ í dag. Þeir sýndu okkur leikritið Allt í klessu þar sem mörg þekkt ævintýri komu við sögu. Hildur og Kacper leiddu okkur í gegnum ævintýrabók þar sem persónur úr Dýrunum í Hálsaskógi, Kardimonubænum, Karíusi og Baktusi, Rauðhettu, Tarsan, Línu Langsokk, Emil í Kattholti og sögunni af grísunum þremur komu við sögu að ógleymdum Póstinum Páli. Allir nemendur bekkjarins tóku þátt í sýningunni bæði með leik og söng en leikritið var sett saman af Ernu Gísladóttur.